(१) कर निर्धारण गर्ने प्रयोजनको लागि करदाताको जुन वर्षको सम्पत्तिको मूल्यांकन गरिने हो सो वर्षको लगत्तै अघिल्लो वर्षमा प्राप्त गरेको देहाय बमोजिमका रकमहरू सम्पत्तिको मूल्यबाट कट्टा गरी खूद सम्पत्ति कायम गरिनेछ :-
(क) कर लाग्ने सम्पत्तिको स्वामित्व प्राप्त गर्न बैंक, वित्तीय संस्था वा अन्य कुनै व्यक्ति वा संस्थासंग रजिष्ट्रेशन पारित गरी लिएको ऋण ।
(ख) जीवन बिमा वा दुर्घटना बिमा वापत भुक्तानी पाएको रकम ।
(ग) कुनै उल्लेखनीय सार्वजनिक सेवा वा कार्य गरे वापत प्राप्त गरेको नगदी वा जिन्सी पुरस्कार ।
(घ) कर्मचारी सञ्चय कोषबाट भुक्तानी पाएको रकम ।
(ङ) नागरिक लगानी कोषबाट भुक्तानी पाएको रकम ।
(च) उपदान वा निवृत्तिभरण वापत भुक्तानी पाएको रकम ।
(छ) स्वदेशी कम्पनी वा संस्थाहरूबाट प्राप्त गरेको लाभांश ।
(ज) सम्पत्ति कर नलाग्ने गरी नेपाल सरकारले जारी गरेको ऋणपत्रको भुक्तानी रकम ।
(झ) विदेशबाट ल्याएको परिवत्र्य विदेशी मुद्रा बराबरको रकम ।
(२) उपदफा (१) बमोजिम प्राप्त रकमहरू करदाताले पेश गरेको सम्पत्ति विवरणमा उल्लेखित सम्पत्तिमा समावेश भएको कुरा पुष्टी भएमा मात्र सम्पत्तिको मूल्यबाट कट्टी गरिनेछ ।